Преку Јавен повик објавен на веб страната на НУ Драмски театар Скопје и на социјалните медиуми, театарот ги повикува уметниците да аплицираат за термин за изведба на претстава во продукција на независната сцена. Јавниот повик е отворен до 30 декември 2024 година. Неделата на претстави од независната продукција ќе се одржи од 14 до 18 јануари 2025 година. По направената селекција на апликациите за претставите пристигнати на Јавниот повик, Драмски ќе ги отстапи за гостување сцената „Ристо Стефановски“ и „Малата сцена“ на театарот како и потребната техника со што овозможува изведба на новите претстави и презентирање на иновативни, автентични и квалитетни театарски проекти. Услови за пријавување: Претставата треба да биде независна продукција, реализирана од 01 јануари 2023 до 30 декември 2024. Апликантите во писмена форма треба да достават: Краток опис на претставата. Технички барања (сценографија, осветлување, звук итн.). Линк до видео од претставата или фотографии. Биографија на авторите и изведувачите. Претставата треба да биде прилагодена со техничките можности и капацитетот на сцената Ристо Стефановски и Малата сцена на Драмски театар. Драмски театар Скопје отстапува: Простор за изведба со комплетна техничка поддршка. Промоција на претставите преку официјалното соопштение на Драмски испратено до медиумите и најави преку социјалните мрежи на Драмски театар. Продажба на билетите на билетарницата и он лине продажба Краен рок за поднесување на апликации: Апликациите да се поднесат до 30 декември 2024 година. Контакт за поднесување на пријави: Е-маил: Оваа е-адреса е заштитена од спамботови. Треба да ви е овозможено JavaScript за да ја видите. преку пошта на адреса : Ул. Шекспирова 15, 1000 Скопје или лично во Архива на Драмски театар Скопје. По направената селекција, овластените лица од независните продукции апликанти на Јавниот повик за изведбата на претставата ќе потпишат Договор за отстапување право на користење на простор во Драмски театар Скопје во кој што ќе се регулираат правата и обврските на договорните страни. Ве охрабруваме да го споделите вашиот талент со нашата публика и да станете дел од нашата театарска приказна. Со почит, Драмски театар Скопје Директор Роберт Вељановски