Телеграма од Претседателот на Владата на Р. Македонија

10 Декември 2018

Претседател на Владата на Р. Македонија

28.11.2018

„Замина нашиот Горан Срефановски.

 

Нема зборови да ја изразат тагата. Како да ги зеде со себе кога замина зашто тој беше господар на зборовите.

Колекционер на човечкиот гнев, на надежите, подемите и падовите, кои потоа со толку голема љубов ги редеше во своите драмски записи и како од најубави нишки ја плетеше хрониката за нашето време.

Ни откриваше дека неговите драмски ликови се сите лица и илјадниците нијанси на Македонија и ни даваше причини токму заради тоа да ја љубиме уште повеќе.

Неговите рожби, драмските херои на нашето време, заминаа да го испратат на неговото последно патување.

Затоа сега сцената е празна, книгата е на последната страница, а тишината е толку силна и болна.

Но, ќе се вратат, сцената ќе се осветли, а дијалозите на неговите драмски рожби ќе блеснат со сета своја полнота за да говорат за тивкиот човек кој секогаш остана нашиот сосед и лик од нашата улица кој не пленеше сите со својата топла, искрена насмевка.

До тогаш - нека завладее громоболната тишина зашто нема зборови за да ја изразат тагата и сочувството за вашата болка“.

 

Напиша во писмото со сочувство за смртта на Горан Стефановски до неговото семејство, Претседателот на Владата на Република Македонија, Зоран Заев.

Декември
П В С Ч П С Н
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Огласи

Следни претстави

Несоодветно за на работа
17 Декември 2019
Пантаглез
20 Декември 2019
Плоштад на хероите
25 Декември 2019